BREAKING: ముంబై విమానాశ్రయంలో కస్టమ్స్ అధికారుల తనిఖీలు.. భారీగా బంగారం పట్టివేత

దిశ, వెబ్‌డెస్క్: ముంబై విమానాశ్రయంలో కస్టమ్స్ అధికారులు విస్తృతంగా తనిఖీలు చేపట్టారు. 17 మంది ప్రయాణికుల నుంచి 9.83 కిలోల బంగారంతో పాటు విలువైన యాపిల్ ఫోన్లు, విదేశీ కరెన్సీని స్వాధీనం చేసుకున్నారు. అయితే ప్రయాణికులు బంగారాన్ని తెలివిగా బట్టలు, ప్లాస్టిక్‌ ప్లేట్లు, బ్యాగుల్లో పెట్టి తరలిస్తుండగా అనుమానం వచ్చి తనిఖీలు చేపట్టామని అధికారులు వెల్లడించారు. పట్టుబడిన బంగారం విలువ రూ.5 కోట్లకుపై మాటేనని పేర్కొన్నారు. ఈ మేరకు ప్రయాణికులపై కేసు నమోదు చేసుకుని దర్యాప్తును ప్రారంభించారు.