గంజాయి తరలిస్తున్న యువకుల అరెస్ట్.. నిందితుల్లో ఇద్దరు మైనర్లు..
దిశ,పెగడపల్లి : అక్రమంగా గంజాయి తరలిస్తున్న యువకులను పట్టుకుని అరెస్టు చేసినట్లు ఎస్సై రవి కిరణ్ తెలిపారు. ఎస్సై రవి కిరణ్ తెలిపిన వివరాల ప్రకారం పెగడపల్లి మండల కేంద్రం నుండి బతికేపల్లి వెళ్ళే దారిలో పోలీసులు వాహనాల తనిఖీ చేస్తున్నారు. ఆ సమయంలో రెండు వాహనాలు తనిఖీ చేయగా రెండు వందల గ్రాముల గంజాయి గుర్తించి స్వాధీనం చేసుకున్నారు. ఆ గంజాయిని మండల కేంద్రానికి చెందిన అజయ్ అనే వ్యక్తి నుంచి జగిత్యాల కు చెందిన విఘ్నేష్,భువన్,సూర్య కొనుగోలు చేసి తరలిస్తుండగా పట్టుకున్నట్లు తెలిపారు.నిందితుల్లో ఇద్దరు మైనర్లు ఉన్నారని నిందితుల నుంచి రెండు బైక్ లు, అయిదు సెల్ ఫోన్లు స్వాధీనం చేసుకుని కేసు నమోదు చేసినట్లు తెలిపారు. చాకచక్యంగా వ్యవహరించి గంజాయి తరలిస్తున్న వారిని పట్టుకున్న ఎస్సై రవి కిరణ్,కానిస్టేబుళ్లు వెంకట్ రెడ్డి,సంపత్ లను ఎస్పీ అశోక్ కుమార్, డీఎస్పీ రఘు చందర్,సీఐ రవి అభినందించారు.
