ganja : గంజాయి విక్రయిస్తున్న యువకుడి అరెస్ట్

దిశ, కోరుట్ల టౌన్ : గంజాయి విక్రయిస్తూ పట్టుబడిన నిందితుడిని అరెస్ట్ చేసి రిమాండ్ కు తరలించినట్లు మెట్పల్లి డీఎస్పీ ఉమా మహేశ్వర్ రావు తెలిపారు. మంగళవారం కోరుట్ల పోలీస్ స్టేషన్లో ఏర్పాటు చేసిన విలేకరుల సమావేశంలో వివరాలను వెల్లడించారు. కోరుట్ల సీఐ సురేష్ బాబు ఆధ్వర్యంలో ఎస్సై శ్వేత వాహననాలు తనిఖీలు చేస్తున్నారు. ఈ క్రమంలో మండలంలోని జోగిన్పల్లి గ్రామానికి చెందిన ఆలకుంట రాజేష్ అలియాస్ చందు (19) అనే యువకుడు తక్కువ ధరకు గంజాయి తీసుకువచ్చి దానిని విక్రయించి ఎక్కువ డబ్బులు సంపాదించాలనే

ఆలోచనతో పట్టణాలు, గ్రామాల్లో గంజాయి సేవిస్తున్న వారికి విక్రయిస్తున్నాడనే సమాచారంతో పోలీసులు పైడిమడుగు వద్ద వాహనాల తనిఖీలు చేస్తుండగా బైక్ లో సోదాలు చేయడంతో అతని వద్ద 655 గ్రాముల గంజాయి లభించినట్లు తెలిపారు. నిందితుడిని అరెస్ట్ చేసి అతని వద్ద నుండి బైక్, సెల్ ఫోన్ సీజ్ చేసి స్వాధీనం చేసుకుని రిమాండ్ కు తరలించినట్లు పేర్కొన్నారు. యువత గంజాయికి, మత్తు పదార్థాలకు అలవాటు పడి జీవితం నాశనం చేసుకోవద్దన్నారు. నిందితుడిని పట్టుకోవడంలో చాకచక్యం ప్రదర్శించిన ఎస్సై కిరణ్, శ్వేత, కానిస్టేబుల్స్ ఎల్లయ్య, సత్తయ్య, సాగర్ , శ్రీనివాస్ లను డీఎస్పీ అభినందించారు.