గుర్తుతెలియని వాహనం ఢీకొని వ్యక్తి మృతి

దిశ,తిరుమలాయపాలెం: గుర్తు తెలియని వాహనం ఢీకొనడంతో పెయింటర్ మృతి చెందిన ఘటన మంగళవారం మండలంలో చోటుచేసుకుంది. పోలీసులు తెలిపిన వివరాల ప్రకారం.. మండలంలోని పిండిప్రోలు గ్రామానికి చెందిన సూరబోయిన రఘుపతి (50) పెయింటింగ్ పనిచేస్తూ జీవనం సాగిస్తున్నాడు.మంగళవారం ఉదయం మండలంలోని మేకల తండా స్టేజిలో నడుచుకుంటూ వెళ్తున్న రఘుపతిని గుర్తు తెలియని వాహనం ఢీ కొట్టింది. ఈ ప్రమాదంలో తీవ్రంగా గాయపడిన రఘుపతి మృతి చెందాడు.మృతునికి భార్య,కుమార్తె ఉన్నారు.కుమార్తె మాధురి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్సై జగదీష్ తెలిపారు.