కెప్టెన్ కాకపోయినా కప్ మనదే అంటూ అరియానా పోస్ట్.. బిగ్‌బాస్-7 విన్నర్ అతడేనా?
దిశ, వెబ్‌డెస్క్: బిగ్‌బాస్-7 రియాలిటీ షో గ్రాండ్ ఫినాలే దిశగా పయనిస్తోంది. రోజు రోజు కంటెస్టెంట్స్ మధ్య యుద్ధం చాలా ఆసక్తికరంగా జరుగుతోంది. ఎవరి గేమ్ వారు అడుతూ స్ట్రాటజీ ప్లే చేస్తున్నారు. ఎలా అయినా విన్నర్ కావాలని గట్టి పోటీ ఇస్తున్నారు. ఒక బిగ్‌బాస్‌కు వెళ్లిన వారిలో కెప్టెన్ కావాలని చాలా ఆశలు పెంచుకుంటారు. దానికోసం ఎంతైనా కష్టపడతారు. అయితే ఈ సీజన్‌లో కూడా అమర్ దీప్ కెప్పెన్సీ దక్కించుకునేందుకు మొదటి వారం నుంచి ట్రై చేస్తున్నాడు. ఇందులో భాగంగా ఈ వారం కెప్టెన్సీ టాస్క్ నిర్వహించగా.. పూర్తి కాకముందే బిగ్‌బాస్ షాకిచ్చాడు. ఈ వారం కెప్టెన్సీని రద్దు చేస్తున్నట్లు ప్రకటించాడు.
దీంతో అమర్ దీప్ చాలా ఎమోషనల్ అవడంతో పాటు వెక్కి వెక్కి ఏడ్చాడు. అంతేకాకుండా బిగ్‌బాస్ ఒక్క ఛాన్స్ ఇవ్వమని వేడుకున్నాడు. ఈ క్రమంలో అమర్‌కు సపోర్ట్ అరియానా ఓ పోస్ట్ షేర్ చేసింది. ఓ నెటిజన్.. బాధపడకు అమర్ దీప్ అన్నా.. పక్కాగా కప్ మనదే.. కెప్టెన్సీ దక్కకపోతే ఏంటి.. రాహుల్ సిప్లిగంజ్ కూడా కెప్టెన్ కాలేదు. కానీ టైటిల్ గెలిచాడు. ఈ సీజన్ మీరు గెలుస్తారు అని రాసుకొచ్చాడు. దీనిని అరియానా షేర్ చేస్తూ.. ప్లీజ్ స్ట్రాంగ్‌గా ఉండురా.. ఈ యూనివర్స్ నీ కోసం మరిన్ని పెద్ద ప్లాన్స్‌తో ఉంది’’ అని రాసుకొచ్చింది. ప్రస్తుతం అరియానా పోస్ట్ వైరల్‌గా మారడంతో అది చూసిన వారు అయితే విన్నర్ అతనేనని అందుకే ఆమె హింట్ ఇచ్చిందని అంటున్నారు.
