రతిక ట్రాప్‌లో పడొద్దని వార్నింగ్ ఇచ్చిన నాగార్జున..!
దిశ, వెబ్‌డెస్క్: నాగార్జున హౌస్‌లోని కంటెస్టెంట్లకు ఒక్కొక్కరిగా వాయించి పడేశారు. రతిక రీఎంట్రీ ఇచ్చిన కూడా ఆట నిజాయితీగా కనిపించడం లేదని, స్టార్టింగ్‌లో చేసినట్లే చేస్తుందని నాగ్ అన్నారు. ప్రస్తుతం ఆడియన్స్, హౌస్‌మెట్స్ అభిప్రాయం కూడా అదే. ఇప్పటికే నాగార్జున నీ దృష్టి మనుషుల మీద కాదు.. గేమ్‌పై ఉండాలని చెప్పారు. ఈ వారం కెప్టెన్సీ కంటెండర్ టాస్కుల్లో రతిక ఒక్కటి కూడా గెలవలేదు. ఈ వారం పెర్ఫార్మన్స్ చాలా దిగజారిపోయిందని అన్నారు. నేను చెప్పింది అందరికీ అర్థమయ్యిందనుకుంటా అంటూ కంటెస్టెంట్లకు గట్టి వార్నింగ్ ఇచ్చాడు.
కాగా తాజాగా యావర్‌కు నాగ్ ఓ పరీక్ష పెట్టాడు. ఇందులో రతిక, శివాజీ ఉన్నారు. వీరిలో ఒకరిని నీటిలో ముంచాలి. ఒకరిని సేవ్ చేయాలి. ఎవరిని సేవ్ చేస్తావని నాగార్జున అడగ్గా.. ఈ క్వశ్చన్‌కు ఆన్సర్ చాలా కష్టంగా ఉందని యావర్ చెప్పాడు. మొత్తానికి యావర్, రతికను వాటర్‌లో ముంచి శివాజీని కాపాడాడు. దీంతో నెటిజన్లు రతికకు దూరమై గేమ్ మీద ఫోకస్ పెట్టాలని నాగ్ పరోక్షంగా వార్నింగ్ ఇచ్చాడంటూ కామెంట్స్ పెడుతున్నారు.
