Bigg Boss-7: ఈ వారం డేంజర్ జోన్‌లో ఆ ఇద్దరు ముద్దుగుమ్మలు..!
దిశ, వెబ్‌డెస్క్: బిగ్ బాస్ సీజన్-7 సక్సెస్ ఫుల్‌గా రెండు వారాలు పూర్తి చేసుకుని మూడో వారం లోకి ఎంట్రీ ఇచ్చింది. అనూహ్యంగా 14 మంది కంటెస్టెంట్స్‌తో ప్రారంభమైన షో.. ఇద్దరు ఎలిమినేట్ కాగా ప్రస్తుతం 12 మంది ఉన్నారు. అయితే.. 12 మందిలో ఇద్దరు సందీప్, శివాజీ పవర్ అస్త్ర గెలుచుకుని సేవ్ జోన్‌లో ఉండగా.. ఈ వారం ఇంటి నుంచి బయటకు వెళ్లేందుకు నామినేట్ అయిన సభ్యులు గౌతమ్ కృష్ణ, శుభశ్రీ, ప్రిన్స్ యావర్, దామిని, రతిక, ప్రియాంక, అమర్. ఈ క్రమంలోనే మంగళవారం నైట్ నుంచి ఓటింగ్ ప్రక్రియ కూడా ప్రారంభమైంది. ఈ మేరకు సోషల్ మీడియాలో వైరల్ అవుతున్న న్యూస్ ప్రకారం.. ఓ ఇద్దరు డేంజర్ జోన్‌లో ఉన్నట్లు తెలుస్తోంది.
వైరల్ అవుతున్న సమాచారం మేరకు.. ఓటింగ్‌లో ప్రథమ స్థానంలో అమర్ దీప్ ఉన్నట్లు తెలుస్తోంది. తర్వాత 16 శాతం ఓట్లతో గౌతమ్ కృష్ణ నిలిచాడు. ఇక మూడో స్థానంలో ప్రిన్స్ యావర్ ఉండగా.. 4,5 స్థానాల్లో శుభశ్రీ, రతికా రోజ్ నిలిచారట. చివర్లో ప్రియాంక, దామిని ఉన్నట్లు సమాచారం. అయితే ప్రియాంకకు 10 శాతం ఓట్లు రాగా.. దామినికి కేవలం 4 శాతం ఓట్లు పోలైనట్లు వినికిడి. దీంతో ఈ వారం దామిని ఎలిమినేట్ అవుతుందని గట్టి వాదనలు వినిపిస్తున్నాయి. అయితే.. ఇది కేవలం సోషల్ మీడియాలో వైరల్ అవుతున్న న్యూస్ మాత్రమే. దీనిపై ఎలాంటి అధికారిక ప్రకటన లేదు.
