కాలువలో పడి బాలుడు మృతి

దిశ, నల్గొండ: కాలువలో పడి చిన్నారి(3) మృతిచెందిన ఘటన సూర్యాపేట జిల్లా గరిడేపల్లి మండలం సర్వారంలో సోమవారం చోటుచేసుకుంది. వేములూరి వాగుకు బట్టలు ఉతకడానికి వెళ్లిన తల్లి.. తన కుమారుడిని వెంట తీసుకెళ్లింది. ఈ క్రమంలో తల్లి బట్టలు ఉతుకుతుండగా, బాలుడు ఆడుకుంటూ, ప్రమాదవశాత్తు కాలువలో పడ్డాడు. తల్లిరోదనలతో గమనించిన స్థానికులు.. హుటాహుటిన వచ్చి బాలుడిని బయటకు తీయగా, అప్పటికే మృతిచెందాడు. అల్లారుముద్దుగా పెంచుకుంటున్న తమ కుమారుడికి అప్పుడే నూరేళ్లు నిండిపోవడంతో కుటుంబంలో రోదనలు మిన్నంటాయి.