కడపలో కరోనా విజృంభణ.. ఒకే రోజు 376 కేసులు

దిశ, వెబ్ డెస్క్: ఏపీలో కరోనా వైరస్ విస్తృతంగా వ్యాప్తిచెందుతోంది. రోజురోజుకూ పాజిటివ్ కేసుల సంఖ్య విపరీతంగా పెరుగుతూ, విలయతాండవం చేస్తోంది. తాజాగా కడప జిల్లాలో ఆదివారం 376 పాజిటివ్ కేసులు నమోదు అయినట్టు జిల్లా వైద్యాధికారులు తెలిపారు. అంతేగాకుండా జిల్లాలో మొత్తం కేసులు 5 వేలకు చేరువలో ఉన్నాయి. ఈ విస్తృత వ్యాప్తిని అరికట్టడానికి రేపటి నుంచి కడప నగరంలో లాక్‌డౌన్ అమలుకానుంది. నిబంధనలు పాటించని వారిపై కఠిన చర్యలు తీసుకుంటామని పోలీసులు ఇప్పటికే హెచ్చరికలు జారీ చేశారు.