సెక్సువల్ ఆఫర్ కాదన్నదని ట్రైన్ నుంచి తోసేసాడు..!

దిశ, వెబ్‌డెస్క్ : దేశ ఆర్థిక రాజధాని ముంబైలో దారుణం చోటుచేసుకుంది. 30ఏళ్ల ఓ వ్యక్తి తన కామ వాంఛను తిరస్కరించిందనే కారణంతో 25 ఏళ్ల వయస్సున్న అమ్మాయిని ముంబై లోకల్ ట్రైన్ నుంచి తోసివేశాడు. ఈ ఘటన సోమవారం జరగగా ఆలస్యంగా వెలుగులోకి వచ్చింది. రైల్వే పోలీసుల సమాచారం మేరకు ముంబై క్రైం బ్రాంచ్ పోలీసులు ఈ కేసును విచారణ చేపట్టారు. నిందితుడు కోపర్ కైరానే అనే ప్రాంతంలో ఫుడ్ స్టాల్ నడిపిస్తున్నాడని తేలింది.

అంతేకాకుండా బాధితురాలు వాదలా అనే ప్రాంతంలో లోకల్ ట్రైన్ ఎక్కగా.. ఆమెను ‘వాదలా మరియు జీటీబీ స్టేషన్స్’ మధ్యలో తోసివేసినట్లు క్రైం బ్రాంచ్ పోలీసులు నిర్దారణకు వచ్చారు. ప్రస్తుతం నిందితుడి కోసం గాలింపు చర్యలు చేపడుతుండగా, బాధితురాలిని ఆస్పత్రికి తరలించి వైద్యం అందిస్తున్నట్లు సమాచారం.