నెల్లూరులో ఘోర ప్రమాదం… ముగ్గురు మృతి

దిశ, వెబ్ డెస్క్: నెల్లూరు జిల్లా తడ మండలం పరిధిలోని పూడి చెక్ పోస్ట్ వద్ద శనివారం ఉదయం ఘోర రోడ్డు ప్రమాదం చోటు చేసుకుంది. ఈ ప్రమాదంలో ముగ్గురు మృతి చెందగా… మరో ముగ్గురికి తీవ్ర గాయాలయ్యాయి. వారిలో ఇద్దరి పరిస్థితి అత్యంత విషమంగా ఉందని తెలుస్తోంది. చెన్నై నుంచి నెల్లూరుకు వస్తుండగా వీరు ప్రయాణిస్తున్న కారుకు అడ్డంగా బైక్ రావడంతో ఈ ప్రమాదం జరిగినట్లు సమాచారం. కాగా ఈ ప్రమాదంలో నెల్లూరు నగరంలోని నాలుగో మైలుకి చెందిన వెంకటేశ్వర్లు, అపర్ణ తోపాటు మరొకరు మృతి చెందారని పోలీసులు వెల్లడించారు. ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.