న్యూజిలాండ్‌తో మ్యాచ్‌కు ముందు టీమిండియాకు షాక్.. స్టార్ బ్యాట్స్‌మెన్‌కు గాయం..
దిశ, వెబ్‌డెస్క్: ప్రస్తుతం జరుగుతున్ను వన్డే వరల్డ్ కప్‌లో టీమిండియాకు వరుస షాక్‌లు తగులుతున్నాయి. ఆటగాళ్లు గాయపడుతుండటం ఆందోళన కల్గిస్తోంది. ఇటీవల బౌలింగ్‌లో స్టార్ ఆల్‌రౌండర్ హార్దిక్ పాండ్యా కాలికి గాయమవ్వగా.. తాజాగా స్టార్ బ్యాట్స్‌మెన్ సూర్యకుమార్ యాదవ్‌ కూడా గాయపడ్డాడు. నెట్స్‌లో ప్రాక్టీస్ చేస్తుండగా సూర్య కుడి చేతి మణికట్టుకు గాయం కావడంతో మెడికల్ సిబ్బంది చికిత్స అందిస్తున్నారు.
ఆదివారం న్యూజిలాండ్‌తో టీమిండియా తలపడనుంది. వరుస విజయాలతో జోరు మీద ఉన్న భారత్‌కు బలమైన కివీస్‌కు జరగనన్న మ్యాచ్ కీలకంగా మారింది. ఇలాంటి తరుణంలో ఆటగాళ్లు గాయాలతో మ్యాచ్‌కు దూరం కావడం టీమిండియాను కలవరపెడుతోంది. గాయం వల్ల హార్దిక్ పాండ్యా న్యూజిలాండ్‌తో మ్యాచ్‌కు దూరమయ్యాడు. ఇక నెట్స్‌లో ప్రాక్టీస్ చేస్తున్న సమయంలో ఇషాన్ కిషన్‌కు తేనెటీగ కుట్టడంతో గాయపడ్డాడు. దీంతో నేటి మ్యాచ్‌కు తుది జట్టులో ఎవరు ఉంటారనేది ఆసక్తిగా మారింది.
