ICC World Cup 2023: సౌతాఫ్రికా vs నెదర్లాండ్స్ మ్యాచ్ ఆరంభం.. వర్షం అంతరాయంతో తగ్గిన ఓవర్లు
దిశ, వెబ్‌డెస్క్: ICC World Cup 2023లో భాగంగా సౌతాఫ్రికా vs నెదర్లాండ్స్ మధ్య ధర్మశాల వేదికగా జరుగుతున్న మ్యాచ్ వర్షం అంతరాయం కారణంగా రెండు గంటలు ఆలస్యంగా ప్రారంభమైంది. ఈ మ్యాచ్‌లో టాస్‌ గెలిచిన దక్షిణాఫ్రికా.. తొలుత ఫీల్డింగ్‌ ఎంపిక చేసుకున్న విషయం తెలిసిందే. టాస్‌ తర్వాత వర్షం కురవడంతో ఆటకు అంతరాయం కలిగింది. సుమారు గంటపాటు కురిసిన వర్షం ఎట్టకేలకు తెరిపినివ్వడంతో అంపైర్లు ఈ మ్యాచ్‌లో ఓవర్లను తగ్గించారు. తాజా నిబంధనల ప్రకారం.. సౌతాఫ్రికా-నెదర్లాండ్స్ మ్యాచ్‌ను నిర్వాహకులు 43 ఓవర్లకు కుదించారు.
సుమారు రెండు గంటల తర్వాత ఆట ఆరంభమవడంతో పవర్‌ ప్లే నిబంధనలు కూడా మారాయి. తొలి పవర్‌ ప్లే 1-9 ఓవర్లు కాగా రెండో పవర్‌ ప్లే 36-43 ఓవర్ల మధ్య ఉండనుంది. సాధారణంగా ఒక బౌలర్ గరిష్టంగా పది ఓవర్లు వేసేందుకు అనుమతి ఉండగా.. ఇప్పుడు ఈ మ్యాచ్‌లో ముగ్గురు బౌలర్లు తొమ్మిది ఓవర్లు వేయనుండగా ఇద్దరు బౌలర్లు ఎనిమిది ఓవర్లు వేయాల్సి ఉంది.
దక్షిణాఫ్రికా:
క్వింటన్‌ డికాక్‌, టెంబా బవుమా (కెప్టెన్), రస్సీ వాన్‌ డెర్‌ డసెన్‌, ఎయిడెన్‌ మార్క్‌రమ్‌, హెన్రిచ్‌ క్లాసెన్, డేవిడ్‌ మిల్లర్‌, మార్కో జాన్సన్‌, కగిసో రబాడా, కేశవ్‌ మహారాజ్‌, లుంగి ఎంగిడి, గెరాల్డ్‌ కొయేట్జీ
నెదర్లాండ్స్:
విక్రమ్‌జిత్‌ సింగ్‌, మాక్స్‌ ఓడౌడ్‌, కొలిన్‌ అకర్‌మన్‌, బాస్‌ డీ లీడె, తేజ నిడమనూరు, స్కాట్‌ ఎడ్వర్డ్స్‌ (కెప్టెన్), సైబ్రాండ్‌ ఎంగెల్‌బ్రెక్ట్‌, రోయ్‌లోఫ్‌ వాన్‌ డెర్‌ మెర్వె, లొగాన్‌ వాన్‌ బీక్‌, ఆర్యన్‌ దత్‌, పాల్‌ వాన్‌ మీకెరెన్‌
