‘మానవాళికి విముక్తి మార్గం చూపిన మార్క్స్’

దిశ, నల్లగొండ: ప్రపంచ మానవాళికి విముక్తి మార్గం సూచించిన మహానేత కార్ల్ మార్క్స్ అని సీపీఎం రాష్ట్ర కమిటీ సభ్యురాలు మల్లు లక్ష్మి అన్నారు. మంగళవారం సీపీఎం జిల్లా కమిటీ ఆధ్వర్యంలో వెంకట నరసింహా‌రెడ్డి భవన్‌లో కార్ల్ మార్క్స్ 202వ జయంతిని ఘనంగా నిర్వహించారు. ఈ సందర్భంగా లక్ష్మి మాట్లాడుతూ ప్రపంచానికి మార్క్సిజం దిక్సూచి అని అన్నారు. దోపిడీ వర్గాన్ని మార్క్స్ తన రచనలతో గడగడలాడించారని తెలిపారు. కమ్యూనిజంతోనే సమాజంలో అసమానతలు పోయి సమసమాజ నిర్మాణం జరుగుతుందని మార్క్స్ విశ్లేషించినట్టు చెప్పారు. అంతకుముందు మార్క్స్ చిత్రపటానికి పూలమాలలు వేసి నివాళులు అర్పించారు. ఈ కార్యక్రమంలో సీపీఎం జిల్లా కార్యదర్శి మల్లు నాగార్జునరెడ్డి, కార్యదర్శి వర్గ సభ్యులు నెమ్మది వెంకటేశ్వర్లు, కొలిశెట్టి యాదగిరిరావు , జిల్లా కమిటీ సభ్యులు ఏల్గురి గోవింద్ తదితరులు పాల్గొన్నారు.

Tags: karl marx, 202 Anniversary, cpm state committee members Mallu laxmi