కార్యకర్తలకు వైసీపీ కీలక ఆదేశాలు

దిశ, వెబ్‌డెస్క్: తిరుపతి లోక్‌సభ ఉపఎన్నికల్లో వైసీపీ 2.31 లక్షలకుపైగా భారీ ఓట్ల మెజార్టీతో విజయం సాధించిన విషయం తెలిసిందే. గత లోక్‌సభ ఎన్నికల్లో కంటే అత్యధిక ఓట్ల మెజార్టీతో వైసీపీ గెలుపొందింది. దీంతో వైసీపీ శ్రేణులు ఆనందోత్సహాల్లో మునిగితేలుతున్నారు.

ఈ క్రమంలో కార్యకర్తలకు వైసీపీ కీలక ఆదేశాలు జారీ చేసింది. కరోనా నేపథ్యంలో విజయోత్సవసంబరాలు నిర్వహించొద్దని పార్టీ శ్రేణులను వైఎస్సార్ కాంగ్రెస్ పార్టీ ఆదేశించింది. కోవిడ్‌ నిబంధనలు, ఈసీ సూచనల మేరకు సంబరాలు చేయొద్దని సూచించింది.