యుద్ధాల బీభత్సం, ప్రార్థనలపై పోప్ ఫ్రాన్సిస్ కీలక సందేశం

దిశ, నేషనల్ బ్యూరో : యుద్ధాలతో అట్టుడుకుతున్న ఉక్రెయిన్, మిడిల్ ఈస్ట్ ప్రాంతాల్లో శాంతిస్థాపన కోసం మరోసారి పోప్ ఫ్రాన్సిస్ పిలుపునిచ్చారు. ఈ యుద్ధాలను మానవత్వానికి వ్యతిరేకంగా జరిగిన నేరంగా ఆయన అభివర్ణించారు. ఆ రెండు యుద్ధాలలో జరుగుతున్న దారుణాలను ఎవరూ మర్చిపోలేరన్నారు. ఆదివారం రోజు జరిగిన వారపు ప్రార్థన సందర్భంగా పోప్ ఫ్రాన్సిస్ ఈ వ్యాఖ్యలు చేశారు. యుద్ధం వల్ల సామాన్య ప్రజలకు కలుగుతున్న బాధలను ప్రార్థనల్లో మర్చిపోవద్దని ప్రజలను ఆయన కోరారు. సామాన్య పౌరుల మరణాలు.. మౌలిక సదుపాయాల విధ్వంసం వంటి వాస్తవాలను ప్రస్తావిస్తూ ప్రార్థనలు చేయాలని క్రైస్తవులను పోప్ ఫ్రాన్సిస్ కోరారు.