వారిని ఆదుకోవడం అభినందనీయం: ఎమ్మెల్యే మాధవరం కృష్ణారావు

దిశ, కూకట్​పల్లి: ఆపన్న హస్తం కోసం వేచి చూస్తున్న వారిని ఆదుకోవడం అభినందనీయమని ఎమ్మెల్యే మాధవరం కృష్ణారావు అన్నారు. బాలానగర్​ డివిజన్​ పరిధిలోని ఇందిరా నగర్​ కాలనీలో ఖార్డ్​ స్వచ్ఛంద సంస్థ ఆధ్వర్యంలో మంగళవారం ఐదుగురు దివ్యాంగులకు వీల్​ చైర్​లు, పది మంది నిరుద్యోగులకు తోపుడు బండ్లు, 2 వందల మందికి నిత్యావసర సరుకులు పంపిణీ చేశారు. 30 మంది మహిళల కోసం ఏర్పాటు చేసిన కుట్టు శిక్షణ కేంద్రం ప్రారంభోత్సవ కార్యక్రమానికి ఎమ్మెల్యే మాధవరం కృష్ణారావు, స్థానిక కార్పొరేటర్​ రవీందర్​ రెడ్డి తో కలిసి పాల్గొన్నారు. ఖార్డ్​ సంస్థ నిర్వాహకులు సుమన్​ మల్లాది, మంజులత మల్లాది లను ఎమ్మెల్యే మాధవరం కృష్ణారావు అభినందించారు.

అనంతరం ఎమ్మెల్యే మాట్లాడుతూ.. పేద ప్రజలకు జీవనోపాధి తో పాటు నిత్యావసర సరుకులు పంపిణీ చేసి, వారిని ఆదుకోవడం అభినందనీయమని అన్నారు. సమాజంలో ప్రతి ఒక్కరు తమ వంతుగా సేవా కార్యక్రమాలను చేపట్టాలని అన్నారు. ఈ కార్యక్రమంలో ఖార్డ్ సంస్థ నిర్వాహకులు సుమన్ మల్లాది, మంజులత మల్లాది, ఆశ్రయ ఆకృతి డైరెక్టర్ డిపికే బాబు, టీఆర్ఎస్​ డివిజన్​ అధ్యక్షుడు శాఖయ్య తదితరులు పాల్గొన్నారు.