యువతి చేసిన పనికి వీఆర్ఓ షాక్..

దిశ, వెబ్‌డెస్క్ : బాధ్యతయుత ఉద్యోగిగా ప్రజలకు సేవలు అందించాల్సిన ఓ వీఆర్ఓ సైకోలా మారాడు. యువతిని ప్రేమిస్తున్నానని వెంటపడుతూ లైంగిక వేధింపులకు గురి చేశాడు. అతడి టార్చర్ బరించలేక ఆమె ఆత్మహత్యాయత్నం చేసింది. ఈ ఘటన గుంటూరు జిల్లాలో చోటుచేసుకుంది.

కారంపూడి మండలం మిరియాల గ్రామానికి చెందిన యువతిని వీఆర్ఓ వెంకటేశ్ లైంగికంగా వేధించాడు. ఆమె నిరాకరించినప్పటికీ వెంకటేశ్ ఆమె వెనకాలే పడుతూ అసభ్యకంగా ప్రవర్తించాడు. ఈ క్రమంలో యువతి వీఆర్ఓకు వార్నింగ్ ఇచ్చినా అతని పద్ధతి మార్చకోలేదు. రోజురోజుకు వెంకటేశ్ వేధింపులు శృతిమించడంతో యువతి ఆత్మహత్యాయత్నం చేసింది. కుబుంబీకులు సకాలంలో స్పందించి ఆమెను ఆస్పత్రికి తరలించడంతో ప్రాణాలు దక్కాయి. ఈ ఘటనపై యువతి తండ్రి వీఆర్ఓ వెంకటేశ్‌పై పోలీసులకు ఫిర్యాదు చేశాడు. పోలీసుల విచారణలోనూ యువతిని వేధించినట్లు తేలింది. కారంపూడి పోలీసులు వెంకటేశ్ ను అరెస్ట్ చేశారు.