తారక్‌కు ఫలక్‌నుమా దాస్ అదిరిపోయే గిఫ్ట్!
యంగ్ టైగర్ ఎన్టీఆర్ ఫ్యాన్స్ తీవ్ర నిరాశలో ఉన్నారు. అభిమాన హీరో పుట్టినరోజుకు ఆర్‌ఆర్‌ఆర్ టీమ్ నుంచి స్పెషల్ గిఫ్ట్ లేదన్న ప్రకటన.. వారిని ఆగ్రహానికి గురిచేసింది. కానీ, అభిమాన సోదరులు అర్థం చేసుకోవాలన్న ఎన్టీఆర్ విన్నపం వారిని కాస్త కూల్ చేసింది. అయితే ‘ఆర్‌ఆర్‌ఆర్ నుంచి బహుమతి లేదని బాధపడొద్దు, అసలైన ట్రీట్ నేనిస్తా అంటున్నాడు’ ఫలక్‌నుమా దాస్.
Wait for it !!!😎 pic.twitter.com/X7PcNzSQkS
— Vishwak Sen (@VishwakSenActor) May 18, 2020
స్వతహాగా తారక్‌కు వీరాభిమాని అయిన విశ్వక్ సేన్.. అభిమానులకు కిక్ ఇచ్చే ఓ రాప్ సాంగ్‌ను ఎన్టీఆర్ పుట్టినరోజు కానుకగా అందించబోతున్నాడు. ‘మాస్ కా దాస్ ట్రిబ్యూట్ టు మాస్ కా బాప్’ అంటూ ఈ విషయాన్ని సోషల్ మీడియా వేదికగా వెల్లడించాడు విశ్వక్. మే 20 (బుధవారం) ఉ: 11 గంటలకు ఈ రాప్ సాంగ్ విడుదల చేయబోతున్నట్లు ప్రకటించాడు. కాగా ఈ న్యూస్‌తో అభిమానులు కొంచెం ఖుష్ అయ్యారు.
అంతేకాదు ఎన్టీఆర్ పర్సనల్ ట్రైనర్ లాయిడ్ స్టీవెన్స్ కూడా బర్త్ డే సర్‌ప్రైజ్ ప్లాన్ చేశాడట. ‘అభిమానులు ఆందోళన చెందకుండా.. నా గిఫ్ట్ కోసం వేచి చూడండి’ అంటూ ట్వీట్ చేశాడు.
