రామ చిలుకకు అంత్యక్రియలు

దిశ, పాలేరు: చనిపోయిన రామచిలుకకు అంత్యక్రియలు చేసిన ఘటన ఖమ్మం జిల్లాలో చోటు చేసుకుంది. వివరాల్లోకి వెళితే మధిర నియోజకవర్గం ముదిగొండ మండలం మేడేపల్లి గ్రామంలో ఓ రామ చిలుక ప్రమాదవశాత్తూ మృతి చెందింది. దీంతో గ్రామస్తులు ఆ చిలుకకు సంప్రదాయ పద్ధతిలో అంత్యక్రియలు నిర్వహించి తమ రామభక్తిని చాటుకున్నారు. ఈ సందర్భంగా మేడేపల్లి రైతులు మాట్లాడుతూ.. రామచిలుక తమ కళ్లెదుటే చనిపోయిందని.. దానికి తమ చేతులతో అంత్యక్రియలు నిర్వహించటం సంతోషంగా ఉందన్నారు. ఈ కార్యక్రమంలో సామినేని పూర్ణచందర్ రావు, మధుసూదన్ రావు, నంద్యాల అప్పయ్య, మోర వెంకటరామారావు, ఎడవెల్లి గ్రామానికి చెందిన పరికపల్లి ఆదినారాయణ గౌడ్ తదితరులు పాల్గొన్నారు.