‘సీఎం కేసీఆర్‌కు జ్ఞానోదయం.. దైవానికి కృతజ్ఞతలు’

దిశ, వెబ్‌డెస్క్: కేంద్ర ప్రభుత్వం ప్రతిష్టాత్మకంగా తీసుకొచ్చిన ఆయూష్మాన్ భారత్‌ను తెలంగాణలో కూడా అమలు చేసేందుకు సీఎం కేసీఆర్ నిర్ణయం తీసుకున్న సంగతి తెలిసిందే. ఈ వ్యవహారం రాష్ట్రంలో హాట్‌ టాపిక్‌గా మారగా.. బీజేపీ నేతలు సీఎం కేసీఆర్‌ నిర్ణయాన్ని స్వాగతిస్తున్నారు. ఈ నేపథ్యంలోనే బీజేపీ నాయకురాలు విజయశాంతి సోషల్ మీడియా వేదికగా స్పందించారు. ‘సీఎం గారికి ఇప్పటికైనా జ్ఞానోదయం కలిగించిన ఆ దైవానికి నా కృతజ్ఞతలు. ఆరోగ్యశ్రీ, ఆయుష్మాన్ భారత్‌లపై బీజేపీ డిమాండ్‌కు దిగివచ్చిన కేసీఆర్’ అంటూ ట్వీట్ చేశారు.