పోలీసులను ఆశ్రయించిన సేతుపతి ఫ్యాన్స్
విజయ్ సేతుపతి.. బిజీ నటుడు అయిపోయాడు. అటు తమిళ్, ఇటు తెలుగు ప్రాజెక్టులు కమిట్ అయి.. బిజీ షెడ్యూల్ లో ఉన్నాడు. అయితే విజయ్ ను కించపరిచేలా, ఆయన పరువుకు భంగం వాటిల్లేలా ఈ మధ్య సోషల్ మీడియాలో పోస్ట్ లు ఎక్కువ అయిపోతున్నాయి. దీంతో సేతుపతి ఫ్యాన్స్ సైబర్ క్రైమ్ పోలీసులను ఆశ్రయించారు. మా అభిమాన హీరో, ఆయన కుటుంబానికి, పరువు ప్రతిష్టలకు మచ్చ తెచ్చేలా ఉన్న పోస్టులను.. సామాజిక మాధ్యమాల నుంచి తొలగించాలని కోరారు. ఇలాంటి పోస్టులు అనవసర చర్చలు, వివాదాలకు దారి తీస్తాయన్నారు ఫ్యాన్స్. తద్వారా శాంతి భద్రతలకు భంగం వాటిల్లుతుందని చెప్పారు. మళ్లీ ఇలాంటి ఘటనలు పునరావృతం కాకుండా చర్యలు తీసుకోవాలని కోరారు.
కాగా విజయ్ సేతుపతి ప్రస్తుతం తెలుగులో ఉప్పెన, పుష్ప చిత్రాలు చేస్తున్నారు. ఉప్పెన చిత్రం తమిళ్ రైట్స్ కొనుగోలు చేసిన సేతుపతి.. ఈ సినిమా ద్వారా తమిళ్ హీరో విజయ్ కొడుకు సంజయ్ ను హీరోగా ఇంట్రడ్యూస్ చేయబోతున్నారట.
