విజయ్ 'లైగర్' పిక్స్ వైరల్

దిశ, వెబ్‌డెస్క్: టాలీవుడ్ రౌడీ హీరో విజయ్ దేవరకొండ, డైరెక్టర్ పూరీ జగన్నాథ్ కాంబినేషన్‌లో వస్తున్న చిత్రం ‘లైగర్’. పాన్ ఇండియా మూవీగా తెరకెక్కుతున్న ఈ చిత్రంతోనే హిందీ ఇండస్ట్రీకి ఎంట్రీ ఇవ్వబోతున్నాడు విజయ్. బాలీవుడ్ భామ అనన్యపాండే రౌడీ బాయ్‌తో జతకట్టగా… కరణ్ జోహార్, ఛార్మి సినిమాను నిర్మిస్తున్నారు. కాగా ఈ మూవీ షూటింగ్ 40 రోజులు కంప్లీట్ చేసుకుందని తెలిపింది యూనిట్. రమ్యకృష్ణ, రోనిత్ బోస్ రాయ్, అలీ ప్రధాన పాత్రల్లో నటిస్తుండగా… ముంబైలో షూటింగ్ పూర్తైనట్లు తెలిపింది. ఈ సందర్భంగా ‘లైగర్’ సెట్స్ నుంచి విడుదలైన పిక్స్ సోషల్ మీడియాలో వైరల్ అయ్యాయి. అనన్య, విజయ్ పెయిర్ అదిరిపోగా… యాక్షన్ అండ్ లవ్ ఎంటర్టైనర్‌గా వస్తున్న ‘లైగర్’ బ్లాక్ బస్టర్ హిట్ కొట్టడం ఖాయం అంటున్నారు రౌడీ ఫ్యాన్స్.

కాగా ఫిబ్రవరి 14కు ‘వరల్డ్ ఫేమస్ లవర్‌’తో వచ్చిన విజయ్ డిజాస్టర్ అందుకున్నాడు. రాశీ ఖన్నా, ఐశ్వర్యా రాజేష్, క్యాథరిన్, ఇజా బెల్లా ప్రధాన పాత్రల్లో నటించిన ఈ సినిమా విజయ్ కెరియర్‌లో బిగ్గెస్ట్ ఫ్లాప్‌గా నిలిచిపోయింది. దీంతో విజయ్, పూరీ కాంబినేషన్‌లో వస్తున్న ఈ సినిమాపైనే ఆశలు పెట్టుకున్నారు రౌడీ ఫ్యాన్స్.

Tags: Liger, Vijay Devarakonda, Puri Jagannadh, Puri Connects, Charmi, Karan Johar, Ananya Pandey, VD 10, Vijay Puri