ట్రైన్ వస్తుండగా పట్టాలు దాటుతున్న మహిళను కాపాడాడు.. అయినా ఆమె వాటర్ బాటిల్ కోసం మళ్లీ... (వీడియో)
దిశ, వెబ్ డెస్క్: రైల్వే స్టేషన్ లో ఓ మహిళ అక్కడి అధికారుల కోపం నశాళానికి ఎక్కేలా ప్రవర్తించింది. ప్రమాదపు టంచుల్లో ఉందని గమనించి ఆమెను కాపాడితే ఆమె కేవలం వాటర్ బాటిల్ కోసం మరోమారు ప్రమాదానికి ఎదురెళ్లబోయింది. దీంతో అధికారులంతా ఆమె క్లాస్ పీకార్. ఇందుకు సంబంధించిన వీడియో నెట్టింట వైరల్ అవుతోంది. ఇందుకు సంబంధించి ఇతర మీడియాలో వచ్చిన కథనం ప్రకారం... రైల్వే స్టేషన్ లో అప్పుడే రైలు దిగిన ఓ మహిళ ఫుట్ ఓవర్ బ్రిడ్జి ఉపయోగించకుండా పట్టాల మధ్య నడుచుకుంటూ ఇటువైపు వచ్చేందుకు ప్రయత్నించింది. ఈ క్రమంలో ఇవతలి వైపు నుంచి రైలు వేగంగా వస్తోంది. అయినా ఆమె ఏ మాత్రం పట్టించుకోకుండా అలానే ప్లాట్ ఫారం ఎక్కేందుకు ప్రయత్నించింది. ఇది గమనించిన అక్కడే ఉన్న ఓ అధికారి వెంటనే ఆమె వద్దకు చేరుకుని ఆమెను పైకి లాగాడు. హమ్మయ్యా అని అనుకుంటున్న క్రమంలో ఆమె ప్రమాదానికి ఎదురెళ్లింది. కొద్దిసేపటికి మళ్లీ ఆమె తన వాటర్ బాటిల్ కోసం అటు వెళ్లింది. ఫాస్ట్ గా వస్తున్న ట్రైన్ దాదాపుగా ఆమెను రాసుకుంటూ వెళ్లింది. దీంతో రైల్వే స్టాఫ్ ఆమె క్లాస్ పీకారు. ఇలా ప్రవర్తించడం సరికాదని చెప్పారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. నెటిజన్స్ చూసి ఆగ్రహంతో కామెంట్లు పెడుతున్నారు.
Life saved once but risked again for water bottle.Lady was crossing track without using footover bridge & was unable to climb over the platform on the face approaching train in Shikohabad Station.Oir staff Welfare Inspector Sri Ram Swaroop Meena rushed towards her & saved the day pic.twitter.com/WGYsDonHtR
— J.Sanjay Kumar,IRTS (@Sanjay_IRTS) September 9, 2022
