లారీని ఢీకొన్న కారు: ఇద్దరు మృతి

శ్రీకాకుళం జిల్లాలో సోమవారం తెల్లవారు జామున జరిగిన రోడ్డు ప్రమాదంలో ఇద్దరు మృతి చెందారు. వేగంగా వస్తున్న కారు అదుపు తప్పి ఆగి ఉన్న లారీని ఢీకొట్టింది. రణస్థలం మండలం కోష్ఠ వద్ద ఈ ఘటన చోటుచేసుకుంది. కారు విశాఖ నుంచి పలాస వెళ్తుండగా ఈ ప్రమాదం జరిగింది. ఈ ఘటనలో కారులో ప్రయాణిస్తున్న ఇద్దరు అక్కడికక్కడే మృతి చెందారు. మరో ఇద్దరు తీవ్రంగా గాయపడ్డారు. క్షతగాత్రులను సమీపంలోని ఆసుపత్రికి తరలించారు. సమాచారం తెలుసుకున్న పోలీసులు ఘటనా స్థలానికి చేరుకొని పరిశీలించారు.