ఆల్కహాల్ తాగిన అన్నదమ్ములు మృతి

దిశ, వెబ్‌డెస్క్: పశ్చిమ గోదావరి జిల్లా పెనుమంట్ర మండలం నెగ్గపూడిలో విషాదం నెలకొంది. స్థానిక మార్టేరు కాంప్లెక్స్‌లో మద్యం తాగి ఇద్దరు వ్యక్తులు మృతి చెందారు. మరొకరి పరిస్థితి విషమంగా ఉండడంతో చికిత్స నిమిత్తం ఆస్పత్రికి తరలించారు. అర్ధరాత్రి వేళ మార్టెరు కాంప్లెక్స్‌లో నలుగురు వ్యక్తులు మందు పార్టీ చేసుకున్నారు. మద్యం సేవించిన గంటల వ్యవధిలోనే ఒకే కుటుంబానికి చెందిన ఇద్దరు అన్నదమ్ములు మృతి చెందడం బాధాకరం. మృతులు నెల్లికిషోర్ (31), నెల్లి సంపత్‌రావు (34)గా గుర్తించారు. వీరిద్దరి మృతి నెగ్గపూడిలో విషాదచాయలు అలుముకున్నాయి. ఈ ఘటన పై పెనుమంట్ర పోలీసులు అనుమానాస్పద మృతిగా కేసు నమోదు చేసుకొని విచారణ ముమ్మరం చేశారు. ఈ వ్యవహారం ప్రస్తుతం జిల్లాలో హాట్‌ టాపిక్‌గా మారింది. ఆస్పత్రిలో చికిత్స పొందుతున్న మరో వ్యక్తి ఆరోగ్యం కూడా విషమంగా ఉంది.