బ్రేకింగ్ న్యూస్.. సీఎస్ సోమేశ్ కుమార్ కు షాకిచ్చిన పోలీసులు

దిశ, తెలంగాణ బ్యూరో: తెలంగాణ ప్రభుత్వ ప్రధాన కార్యదర్శి సోమేశ్ కుమార్ కు ట్రాఫిక్ పోలీసులు భారీ షాకిచ్చారు. ఆయన అధికారిక వాహనానికి హైదరాబాద్ ట్రాఫిక్ పోలీసులు చలాన్ ​విధించారు. హైదరాబాద్‌ టోలిచౌకి పీఎస్ పరిధిలోని పీవీ ఎక్స్‌ప్రెస్‌ ఫ్లై ఓవర్‌పై అతి వేగంతో సీఎస్ సోమేశ్ కుమార్ వాహనం (TS09FA0001) వెళ్తుండడాన్ని గుర్తించి చలాన్‌ విధించారు. ఓవర్​ స్పీడ్​కు రూ. 3 వేల ఫైన్​వేశారు. అయితే వెంటనే ఈ ఫైన్​ను అధికారులు చెల్లించారు. సీఎస్​ అధికారిక వాహనంపై చలాన్లు పెండింగ్​ ఉండరాదనే కారణంతో పాటుగా సోషల్​ మీడియాలో వైరల్​ అవుతుందంటూ జరిమానా వెంటనే చెల్లించారు.