ఐపీఎల్‌లో నేడు డబుల్ ధమాక
దిశ, వెబ్‌డెస్క్: ఐపీఎల్2020 రసవత్తరంగా సాగుతోంది. బ్యాట్‌మెన్‌ల మెరుపు ఇన్నింగ్స్, బౌలర్ల అద్భుత ప్రదర్శనతో ఈ ఐపీఎల్ అంచనాలను మించింది. ఊహించని పరిణామాలతో ఉత్కంఠంగా సాగుతున్నది. కాగా ఆదివారం ఐపీఎల్‌లో క్రీడాభిమానులకు డబుల్ ఎంటర్‌టైన్ మెంట్ ఉండనుంది. మధ్యాహ్నం మూడు గంటలకు షార్జా వేదికగా సన్ రైజర్స్ హైదరాబాద్, ముంబై ఇండియన్స్ జట్లు తలపడనున్నాయి. చివరి మ్యాచ్‌లలో రెండు జట్లు విజయం సాధించి, ఉత్సాహంతో ఉన్నాయి. బ్యాటింగ్ బౌలింగ్ విభాగాల్లో రెండు జట్లు సమాన బలాలు కలిగి ఉన్నాయి.
కాగా రాత్రి 7 గంటలకు అబుదాబి వేదికగా చెన్నై సూపర్ కింగ్స్ వర్సెస్ కింగ్స్ ఎలెవన్ పంజాబ్ జట్లు తలపడనున్నాయి. చివరగా చెన్నై హైదరాబాద్ జట్టుతో ఓటమి పాలై కసితో ఉండగా, పంజాబ్ జట్టు ముంబై ఇండియన్స్ జట్టుపై ఘోర పరాభవం పాలైంది. దీంతో ఈ మ్యాచ్‌లో విజయంపై రెండు జట్టు కసితో తలపడనున్నాయి. యువ ఆటగాళ్లతో అద్భుతంగా రాణిస్తున్న కేఎల్ రాహుల్, సీనియర్స్‌తో పేలవ ప్రదర్శన కనబరుస్తున్న చెన్నై జట్ల మధ్య మ్యాచ్‌తో జరుగుతుండటంతో ఈ మ్యాచ్‌ కోసం ప్రేక్షకులు ఎంతగానో ఎదురుచూస్తున్నారు. ఈ సీజన్‌లో ఒకే రోజు రెండు మ్యాచ్‌లు జరుగడం ఇదే రెండోసారి మరి ఏ జట్టుపై ఏ టీమ్ పైచేయి సాధిస్తుందో వేచి చూడాలి.
