అఫిషియల్ : ‘ది ఫ్యామిలీ మ్యాన్ 2’ రిలీజ్ వాయిదా
దిశ, సినిమా : అనుకున్నట్లుగానే ఓటీటీ ప్లాట్‌ఫామ్ అమెజాన్ ప్రైమ్ ఒరిజినల్స్ ‘ది ఫ్యామిలీ మ్యాన్ 2’ సిరీస్ రిలీజ్‌ను వాయిదా వేసింది. ఫిబ్రవరి 12న అందుబాటులోకి రావాల్సి ఉన్నా.. సమ్మర్‌లో రిలీజ్ చేయనున్నట్లు తాజాగా ప్రకటించింది. సిరీస్ దర్శకులు రాజ్ అండ్ డీకే ఈ మేరకు ప్రకటన చేశారు. ది ఫ్యామిలీ మ్యాన్ సీజన్‌ను ఆదరించిన ప్రేక్షకులకు అంతకు మించిన కిక్కాస్ సీజన్‌ను అందించేందుకు సూపర్ హార్డ్‌గా వర్క్ చేశామని చెప్పిన దర్శక ద్వయం.. ‘మీరు ఖచ్చితంగా ఈ సిరీస్‌ను ప్రేమిస్తారని నమ్ముతున్నాం’ అని తెలిపారు. మనోజ్ బాజ్‌పాయ్, ప్రియమణి ప్రధానపాత్రల్లో తెరకెక్కిన ‘ది ఫ్యామిలీ మ్యాన్’ ఫస్ట్ సీజన్ సూపర్ హిట్ కాగా.. సెకండ్ సీజన్‌లో సౌత్ స్టార్ సమంత అక్కినేని ఎంట్రీ ఇస్తున్న విషయం తెలిసిందే. ఇప్పటికే రిలీజైన టీజర్‌కు బెస్ట్ రెస్పాన్స్ రాగా, రిలీజ్ కోసం ఎప్పటి నుంచో వెయిట్ చేస్తున్న ఆడియన్స్.. రిలీజ్ వాయిదా ప్రకటనతో కాస్త నిరాశకు గురయ్యారు.
#TheFamilyManOnPrime #TheFamilyManSeason2 @BajpayeeManoj @Samanthaprabhu2 @sumank @Suparn @sharibhashmi @DarshanKumaar @SharadK7 @krishdk @PrimeVideoIN pic.twitter.com/jvZ2qOnk0E
— Raj & DK (@rajndk) February 5, 2021
ముఖ్యంగా అమెజాన్ ప్రైమ్ ఒరిజినల్స్ ‘తాండవ్’, ‘మీర్జాపూర్’ సిరీస్‌లు ఆల్రెడీ కాంట్రవర్సీలు ఎదుర్కొంటూ కోర్టు, కేసుల చుట్టూ తిరుగుతుండగా.. సేమ్ అలాంటి కంటెంట్ ‘ది ఫ్యామిలీ మ్యాన్ 2’ సీజన్‌లో కూడా ఉండి ఉంటుందని విశ్లేషకులు అభిప్రాయపడుతున్నారు. అలాంటి సీన్స్ తొలగించి, రీషూట్ చేసేందుకే రిలీజ్ వాయిదా వేసి ఉంటారని టాక్.
