బీ అలర్ట్.. షాపులో మీరు మీ దృష్టి మల్లించారో ఇక అంతే..!

దిశ, కూకట్​పల్లి: వస్త్ర దుకాణాల్లో ఎంత రద్దీ ఉంటుందో ప్రత్యేకంగా చెప్పనక్కర్లేదు. అయితే బట్టల దుకాణాల్లో దృష్టి మళ్లించి చొరీలకు పాల్పడే నలుగురు సభ్యుల ముఠాను కేపీహెచ్‌బీ పోలీసులు మంగళవారం అరెస్ట్​ చేసి రిమాండ్​కు తరలించారు. కేపీహెచ్‌బీ సిఐ తెలిపిన వివరాల ప్రకారం శంషీగూడ ఇందిరాగనర్​కు చెందిన అచంట నాగమణి తులసినగర్​ కాలనీలో మాధవి లేడిస్​ఎంపోరియం పేరుతో వస్త్ర దుకాణం నడిపిస్తుంది. ఇదిలా ఉండగా ఈ నెల 5వ తేదిన రోజు వారి మాదిరిగానే దుకాణం తెరిచిన నాగమణి తన దుకాణంలోని 30 చీరలు తక్కువగా ఉన్నట్టు గుర్తించింది.

దుకాణంలో ఉన్న సీసీ కెమెరా ఫుటేజీని పరిశీలించగా గత నెల 29వ తేదిన బట్టలు కొనుగోలు చేయడానికి వచ్చిన నలుగురు చీరలను చోరి చేసినట్టు తెలిసింది. దీంతో నాగమణి కేపీహెచ్‌బీ పోలీసులకు ఫిర్యాదు చేసింది. కేసు నమోదు చేసుకున్న పోలీసులు సీసీ కెమెరా ఫుటేజి ఆధారంగా దర్యాప్తు ప్రారంభించి చోరీకి పాల్పడిన వారిని అదుపులో తీసుకున్నారు. అంబర్​పేట్​కు చెందిన ఇనుగంటి శ్రీను(36), షేక్​ హసీన అలియాస్​ కంప లక్ష్మీ(54), నల్గొండ కౌసల్య(60), సిలివేరి సోమయ్య(32)లు గత నెల 29వ తేదిన దృష్టి మళ్లించి చోరీకి పాల్పడినట్టు గుర్తించిన పోలీసులు వారిని అదుపులో తీసుకుని రిమాండ్​కు తరలించారు. వారి వద్ద నుంచి 20 వేల రూపాయలు నగదు స్వాధీనం చేసుకున్నట్టు సిఐ లక్ష్మీనారాయణ తెలిపారు.