నువ్వు మహారాణివి కాదు.. బాలీవుడ్ హీరోయిన్‌పై ఫ్యాన్స్ సీరియస్
దిశ, వెబ్‌డెస్క్: బాలీవుడ్ హాట్ బ్యూటీ నోరా ఫతేహీ సౌత్, నార్త్ అన్న తేడా లేకుండా ఐటెం సాంగ్స్‌లో స్టెప్పులేసి ప్రేక్షకుల్లో తనకంటూ ఓ ప్రత్యేక గుర్తింపు సంపాదించుకుంది. ముఖ్యంగా 'బాహుబలి' చిత్రంలో మనోహరి పాటతో నోరాకి వచ్చిన క్రేజ్ అంతా ఇంత కాదు. ప్రస్తుతం నోరా ఫతేహీ వరుస ఐటెం సాంగ్స్ తో బిజీబిజీగా ఉంది. ఒకపక్క సినిమాలతో బిజీగా ఉంటూనే, మరోపక్క బాలీవుడ్ డ్యాన్స్ రియాలిటీ షో 'డ్యాన్స్ దీవానే జూనియర్స్'కు జడ్జిగా కూడా వ్యవహరిస్తున్నారు. అయితే, ఈ షో షూటింగ్‌లో పాల్గొనటానికి సెట్స్‌కు వెళ్తున్న సమయంలో ఫతేహీకి అనుకోని సంఘటన ఎదురైంది. దానికి సంబంధించిన ఓ వీడియో సోషల్ మీడియాలో చక్కర్లు కొడుతోంది.
అది చూసిన నెటిజన్స్ దారుణంగా ట్రోల్స్ చేస్తున్నారు. షూటింగ్‌లో పాల్గొనటానికి చీర కట్టుకొని వెళ్తుండగా వర్షం పడింది. ఈ సమయంలో చీర తడవకుండా తన బాడీగార్డ్ సాయం తీసుకుంది నోరా. కారులోంచి దిగి క్యారవాన్ వరకు వెళ్లేంతవరకు ఆమె బాడీగార్డ్ నీటిలో చీర తడవకుండా చీరను పట్టుకొని వెనకాలే వర్షంలో నడిచాడు. దాంతో ఆ వీడియోను చూసిన నెటిజన్స్ అయిదు అడుగులు కూడా వేయలేకపోయావా? వెనకాల నీ చీర పట్టుకొని నడవాలా నువ్వేమన్నా మహారాణివా? చీరని క్యారీ చేయడం రానప్పుడు ఎందుకు కట్టుకున్నావు? కనీసం అతనికి థ్యాంక్స్ కూడా చెప్పకుండా వెళ్ళిపోయావు.. అంటూ ఇలా రకరకాల కామెంట్స్‌తో నోరాని ట్రోల్ చేస్తున్నారు.
