వాట్సాప్ న్యూ ఫీచర్.. ఇకపై ప్రొఫైల్ ఫొటో హైడ్ చేసుకోవచ్చు!

దిశ, ఫీచర్స్ : ఇటీవలే గ్రూప్ కాల్స్ కోసం కొత్త ఫీచర్‌ ప్రవేశపెట్టిన ఇన్‌స్టంట్ మెసేజింగ్ యాప్ వాట్సాప్.. మరో సరికొత్త ఫీచర్‌తో యూజర్లను సర్‌ప్రైజ్ చేసింది. ఇప్పటి వరకు వాట్సాప్‌లో ప్రొఫైల్ ఫొటోను హైడ్ చేసుకునే వెసులుబాటు లేకపోగా.. ప్రస్తుతం ఆ సౌకర్యాన్ని కల్పించింది. ఈ ఫీచర్ ప్రొఫైల్ పిక్చర్‌కు సంబంధించి లాస్ట్ సీన్, స్టేటస్ అప్‌డేట్స్‌ను తమ కాంటాక్ట్స్ నుంచి హైడ్ చేసుకునేందుకు వినియోగదారులు అనుమతిస్తుంది. కాగా ఈ అప్‌డేట్‌ను సెట్టింగ్స్‌లో కింది విధంగా సెట్ చేసుకోవచ్చు.

ప్రొఫైల్ ఫొటో హైడ్ సెట్టింగ్స్ :

* My Contacts : లాస్ట్ సీన్, ప్రొఫైల్ ఫొటో.. కాంటాక్ట్స్‌లోని వాట్సాప్ యూజర్లందరికీ అందుబాటులో ఉంటుంది.

*My Contacts Except : సెలెక్టెడ్ కాంటాక్ట్స్‌ను హైడ్ చేసి మిగతా వాటిని ఆన్‌లో ఉంచితే.. యూజర్ లాస్ట్ సీన్‌, ప్రొఫైల్ ఫొటో వివరాలు అడ్రస్ బుక్‌లోని కాంటాక్ట్స్‌కు మాత్రమే అందుబాటులో ఉంటాయి.

*Nobody : ఈ ఆప్షన్ ఎంచుకుంటే లాస్ట్ సీన్, ప్రొఫైల్ ఫొటో వివరాలు ఎవరికీ కనిపించవు.