ప్రమోషన్స్ కోసం ఆ పని చేసిన స్టార్ హీరో.. అవసరమా అంటున్న నెటిజన్లు

దిశ, వెబ్‌డెస్క్: బాలీవుడ్ స్టార్ హీరో రణ్‌వీర్ సింగ్ గురించి ప్రత్యేకంగా చెప్పాల్సిన పని లేదు. సినిమాల్లో నటించడమే కాకుండా ఇటీవల ఫారెస్ట్‌లో అడ్వెంచర్స్ కూడా చేశాడు. బేర్ గిల్స్‌తో కలిసి రణ్‌వీర్ చేసిన విన్యాసాలు 'రణ్‌వీర్ వర్సెస్ వైల్డ్ విత్ బేర్ గిల్స్' అనే పేరుతో నెట్‌ఫ్లిక్స్‌లో త్వరలో టెలికాస్ట్ కానుంది. అయితే, నెట్ ఫ్లిక్స్ వెరైటీగా ప్రమోషన్స్ మొదలుపెట్టింది.

తాజాగా నెట్‌ఫ్లిక్స్ సంస్థ రణ్‌వీర్ పురుగును తిన్న ఓ వీడియోను సోషల్ మీడియా వేదికగా షేర్ చేసింది. అయితే అది చూసిన నెటిజన్లు మాత్రం రకరకాల కామెంట్లతో సోషల్ మీడియాలో తెగ రచ్చ చేస్తున్నారు. అది ఫేక్ అని కొంతమంది కామెంట్లు చేస్తే.. మరికొంతమంది మరీ ఈ రేంజ్‌లో ప్రమోషన్స్ అవసరమా? అని కామెంట్స్ చేస్తున్నారు.