అక్కడ సౌత్ ఇండియన్ నటిగా కనిపించొద్దన్నాడు.. తాప్సీ
దిశ, సినిమా: సొట్ట బుగ్గల చిన్నది తాప్సీ పన్ను బాలీవుడ్‌లో సత్తా చాటుతున్న సంగతి తెలిసిందే. కాగా ఆమె ఇటీవల నటించిన 'శభాష్ మిథు' చిత్రం జూలై 15 ప్రేక్షకులు ముందుకు వచ్చింది. ఈ సందర్భంగా తన సక్సెస్‌ఫుల్ జర్నీకి దివంగత దర్శకుడు, నటుడు రిషి కపూర్ మాటలు ఎంతో ప్రేరణగా నిలిచాయని గుర్తు చేసుకుంది. 'సౌత్ నుంచి బాలీవుడ్‌కు మారుతున్నప్పుడు కెరీర్‌ను కొత్తగా ప్రారంభించాలని రిషి కపూర్ సూచించాడు. నా మనసులో నుంచి దక్షిణాది నుంచి వచ్చిన ఫీలింగ్ పూర్తిగా తుడిచివేయాలని చెప్పారు.
ఎందుకంటే ప్రజలు కొత్తగా చూడటాన్ని ఇష్టపడతారు. అందుకే నువ్వు కూడా కొత్తగా ఎంట్రీ ఇస్తున్నట్లే పనిచేయాలని మార్గనిర్దేశం చేశాడు' అని చెప్పుకొచ్చింది. ఈ క్రమంలోనే 'మీరు సౌత్‌లో ఎన్ని సినిమాలు చేశారు?' అని రిషి అడగటంతో.. '10 చిత్రాలు విడుదలయ్యాయి. మరో రెండు చేస్తున్నాను' అని చెప్పగానే షాక్ అయ్యాడని తెలిపింది. ఇక 'శభాష్ మిథు' ఇండియన్ మాజీ క్రికెటర్ మిథాలీ రాజ్ జీవిత కథ ఆధారంగా తెరకెక్కిన విషయం తెలిసిందే.
