మరింత రసవత్తరంగా 'మీర్జాపూర్ 3'.. షూటింగ్ షురూ
దిశ, సినిమా : ప్రముఖ బాలీవుడ్ నటి శ్వేతా త్రిపాఠి 'మీర్జాపూర్ 3' షూటింగ్ మొదలైనట్లు తెలిపింది. ఓటీటీ ఫ్లాట్‌ఫామ్ అమెజాన్ నిర్మించిన ఈ వెబ్‌సిరీస్ ఇప్పటికే రెండు సీజన్లు పూర్తి చేసుకుని విశేషమైన ప్రేక్షకాదరణ పొందగా.. సీజన్ 3 కోసం ఫ్యాన్స్ ఆతృతగా ఎదురు చూస్తున్నారు. ఈ క్రమంలోనే ఈ సిరీస్‌లో తన నటనతో విమర్శకుల ప్రశంసలు అందుకున్న శ్వేత.. సీజన్ 3 గురించి ఆసక్తికర విషయాలు పంచుకుంది.
'పార్ట్ 3 షూటింగ్ జూన్ 24న మొదలవుతుంది. జులై 4న నేను సెట్‌లో అడుగుపెడతా. ఈ సారి నా బర్త్ డే (జులై 6) మీర్జాపూర్ టీంతో జరుపుకోబోతున్నందుకు సంతోషంగా ఉంది. మూడో సీజన్ మరింత రసవత్తరంగా ఉండబోతుంది. కానీ, దీనికోసం మనమంతా ఏడాదిపాటు వెయిట్ చేయాలి' అంటూ చెప్పుకొచ్చింది. అలాగే సౌత్ ఇండియన్ ఫుడ్ అంటే చాలా ఇష్టమన్న నటి.. ఇక్కడి మనుషులు కూడా చాలా స్వీట్‌గా ఉంటారని పొగిడేయడం విశేషం.
