వర్మ పబ్లిసిటీ స్టంట్స్.. తెరపైకి మిథాలీ రాజ్ బయోపిక్
దిశ, సినిమా : దర్శకుడు రామ్ గోపాల్ వర్మ తన కెరియర్‌లో సృష్టించిన సంచ‌ల‌నాలు అన్నీ ఇన్నీ కావు. తను డైరెక్ట్ చేసిన చిత్రాల‌తో ఫిల్మ్ మేకింగ్‌‌‌లోనే కొత్త స్టైల్ తీసుకొచ్చాడనడంలో సందేహం లేదు. అప్పట్లో ఆయన సినిమా అంటే పడి చచ్చిపోయిన మూవీ లవర్స్.. ఇప్పుడు ఆ పేరు వింటేనే థియేట‌ర్లకు వెళ్లేందుకు జంకుతున్నారు.
ఇటీవ‌ల రిలీజైన 'కొండా' సినిమా పరిస్థితే అందుకు నిదర్శనం. పబ్లిసిటీ ఎంత ఘనంగా చేసినా మూవీలో మ్యాటర్ లేకపోవడంతో రిజల్ట్ దెబ్బకొట్టింది. ఈ క్రమంలోనే మరో సినిమా విడుదల చేసేందుకు ప్రయ‌త్నాలు మొద‌లుపెట్టాడు వర్మ. 'లడ్కీ' పేరుతో మార్షల్ ఆర్ట్స్ నేపథ్యంలో ఆయన ఒక మూవీ రూపొందించిన సంగ‌తి తెలిసిందే. ఈ చిత్రంలో పూజా భ‌లేక‌ర్‌తో బ్రూస్ లీ త‌ర‌హాలో ఫైట్లు చేయించ‌డ‌మే కాక ఆమెతో మితిమీరిన ఎక్స్‌పోజింగ్ చేయించాడు. ఈ ప్రాజెక్ట్ షూటింగ్ ఎప్పుడో పూర్తయినప్పటికీ బిజినెస్ జ‌రగక రిలీజ్ డేట్ అనేకసార్లు వాయిదా పడింది. ఇదిలా ఉంటే.. జులై 15న 'లడ్కీ' మూవీ రిలీజ్ చేసేందుకు ప్లాన్ చేస్తున్న వర్మ.. ప్రమోషన్స్ కొత్తగా ప్లాన్ చేస్తున్నాడు.
జులై 15వ తేదీన విడుదలవుతున్న మిథాలీ రాజ్ బయోపిక్ మూవీ 'శభాష్ మిథు'తో 'లడ్కీ' చిత్రానికి పోలిక పెడుతున్నాడు. ఈ రెండు చిత్రాలు కూడా పురుషులపై మ‌హిళ‌ల ఆధిప‌త్యాన్ని చాటే చిత్రాలు కాబట్టి జులై 15 చాలా స్పెష‌ల్ అని ట్విట్టర్‌లో పోస్టులు పెడుతున్నాడు. కానీ వర్మ పబ్లిసిటీ స్టంట్లను ప్రేక్షకులు నమ్ముతారా? తెలియాలంటే రిలీజ్ వరకు ఆగాల్సిందే.
15th July special in Indian Cinema.1st time showcasing 2 women's POWER over men's POWER .Tapsee Pannu & Pooja Bhalekar to HIT and KICK in 2 WOMEN EMPOWERMENT films. Check @taapsee in https://t.co/rOg9p6VJTn and @PoojaBofficial in MARD ka LADKI https://t.co/pg3ZIowbw3 pic.twitter.com/Qhfp1QApsL
— Ram Gopal Varma (@RGVzoomin) June 27, 2022
