RS Praveen Kumar: TRS పాలనలో తెలంగాణ బిడ్డలకు రక్షణ ఎక్కడున్నది?

దిశ, వెబ్‌డెస్క్: నల్లగొండ జిల్లా దామరచర్ల మండలం కేంద్రంలోని గిరిజన బాలికల గురుకుల పాఠశాలలో నిద్రపోతున్న ఐదుగురు విద్యార్థినుల కాలు, చేతివేళ్లను ఎలుకలు కరిచిన సంగతి తెలిసిందే. ఈ ఎలుకల దాడిలో గాయాలపాలైన విద్యార్థినులను ఆస్పత్రిలో చేర్పించి చికిత్స అందిస్తున్నారు. గిరిజన గురుకుల పాఠశాలలో ఫుడ్ పాయిజన్ ఘటన మరువక ముందే మరో ఘటన చోటుచేసుకోవడం స్థానికంగా సంచలనం సృష్టించింది. ఈ ఘటనపై బీఎస్పీ తెలంగాణ రాష్ట్ర చీఫ్ కోఆర్డినేటర్ ఆర్ఎస్ ప్రవీణ్‌ కుమార్(RS Praveen Kumar) ట్విట్టర్ వేదికగా స్పందించారు. ''వరంగల్ హాస్పిటల్‌లో ఎలుకల దాడి ఘటన మరవక ముందే మళ్లీ ఈసారి గిరిజన గురుకులాల్లో విద్యార్థులపై ఎలుకల దాడి! #TRS పాలనలో తెలంగాణ బిడ్డలకు రక్షణ ఎక్కడున్నది?'' అంటూ సోషల్ మీడియాలో పోస్టు పెట్టి, TRS సర్కార్‌ను ప్రశ్నించారు.