కేజీఎఫ్ క్రేజ్.. NFT సేలింగ్‌లో 'రాకీ భాయ్' రికార్డ్

దిశ, సినిమా: కన్నడ సూపర్ స్టార్ యష్ రాబోయే ఫిల్మ్ 'కేజీఎఫ్ చాప్టర్ 2' విడుదలకు ముందే సంచలనాలు సృష్టిస్తోంది. 'కేజీఎఫ్' ఫస్ట్ పార్ట్ సక్సెస్‌తో అభిమానుల్లో ఫుల్ క్రేజ్ సంపాదించుకున్న యష్.. సెకండ్ పార్ట్ ట్రైలర్, పోస్టర్లతో అంచనాలు మరింత పెంచేశాడు. ప్రస్తుతం థియేట్రికల్ రిలీజ్‌కు సిద్ధంగా ఉన్న మూవీ.. మెటావర్స్‌లోనూ ప్రభంజనం సృష్టిస్తోంది. 'కేజీఎఫ్ 2' క్రేజ్‌ను మరింత పెంచే ఉద్దేశ్యంతో మేకర్స్ ప్రమోషన్స్‌లో యూనిక్ ఐడియాస్ అవలంబిస్తున్నారు. ఈ మేరకు ఫిల్మ్ ఫ్రాంచైజీ హొంబలే ఫిల్మ్.. 'బాంబే రాకీ, నరాచీ రాకీ, తుఫాన్ రాకీ అవతార్స్‌'తో మూడు NFT(నాన్ ఫంజిబుల్ టోకెన్స్) సెట్స్ ఇంట్రడ్యూస్ చేసింది. అయితే రిలీజ్ చేసిన మొదటి 10 నిమిషాల్లోనే 500 NFTలు విక్రయించబడగా.. ఇప్పటి వరకు ఇండియాలో ఇదే బిగ్గెస్ట్ NFT సేల్‌గా రికార్డ్ నమోదు చేసింది.