Revolver Rita: టాప్ బ్యానర్ల చేతికి కీర్తి సురేష్ సినిమా రైట్స్.. అంచనాలు పెంచేస్తున్న పోస్టర్
దిశ, సినిమా: టాలీవుడ్ మహానటిగా ఆడియన్స్‌లో ఫుల్ క్రేజ్ తెచ్చుకున్న కీర్తి సురేష్ (Kirti Suresh) ప్రధాన పాత్రలో నటిస్తున్న తాజా సినిమా ‘రివాల్వర్ రీటా’ (Revolver Rita). జేకే చండూరు (JK Chandooru) దర్శకత్వం వహిస్తున్న ఈ సినిమాలో రాధిక శరత్ కుమార్, సునీల్, అజయ్ ఘోస్, రెడిన్ కింగ్స్లీ, సూపర్ సుబ్బరాయన్, జాన్ విజయ్ ప్రధాన పాత్రల్లో నటిస్తున్నారు. ఫ్యాషన్ స్టూడియో (Fashion Studio) నిర్మిస్తున్న ఈ చిత్రం నుంచి తాజాగా టీజర్ రిలీజ్ చేశారు. ఈ టీజర్‌లో కీర్తి సురేష్ రివాల్వర్ రీటాగా కనిపిస్తుంది. అయితే.. ఇంతకీ రివాల్వర్ రీటా ఏదైనా మిషన్‌లో పాల్గొంటుందా? లేదా ఆమె అండర్ కవర్ పోలీస్ ఆఫీస్‌రా అనేది సస్పెన్స్‌‌గా ఉండటంతో.. ఈ సినిమాపై అంచనాలు అమాంతం పెంచేస్తున్నాయి.
ఇక ఈ చిత్రం తెలుగు (Telugu), తమిళం (Tamil), కన్నడ (Kannada) భాషల్లో గ్రాండ్ రిలీజ్‌కు సిద్ధం అవుతుండగా.. ‘రివాల్వర్ రీటా’ మూవీకి సంబంధించి ఓ ఇంట్రెస్టింగ్ అప్‌డేట్ (Interesting Update) వచ్చింది. ఈ సినిమా తెలుగు పంపిణీ హక్కులను హాస్య మూవీస్ (Hashya movies) నిర్మాత రాజేశ్ దండా సొంతం చేసుకోగా.. కర్ణాటక (Karnataka) హక్కులను బెంగళూరు కుమార్ ఫిలిమ్స్ (Bangalore Kumar Films) దక్కించుకుంది. ఈ విషయాన్ని అఫీషియల్‌గా అనౌన్స్ చేస్తూ.. బెంగుళూరు కుమార్ ఫిలిమ్స్ ఓ పోస్టర్‌ను రిలీజ్ చేశారు. ప్రజెంట్ ఈ పోస్టర్ సోషల్ మీడియాలో చక్కర్లు కొడుతోంది.
