ఆ వ్యాపారులకు అండగా ఉంటా: ఎమ్మెల్యే వివేకానంద

దిశ ప్రతినిధి, మేడ్చల్: మేడ్చల్ జిల్లా కెమిస్ట్ అండ్ డ్రగ్గిస్ట్ అసోసియేషన్ ఎన్నికల్లో ఎన్నికైన నూతన కార్యవర్గ సభ్యులు కుత్బుల్లాపూర్ ఎమ్మెల్యే కెపి. వివేకానంద ను మర్యాదపూర్వకంగా కలిశారు. అసోసియేషన్ జిల్లా అధ్యక్షుడు వేణుగోపాల్ శర్మ నేతృత్వంలో ఎమ్మెల్యేను శుక్రవారం తన నివాసంలో కలిసి సన్మానించారు. ఈ సందర్భంగా ఇటీవల జరిగిన అసోసియేషన్ ఎన్నికల్లో విజయం సాధించిన ప్రతినిధులకు ఎమ్మెల్యే శుభాకాంక్షలు తెలిపారు. అనంతరం వివేకానంద మాట్లాడుతూ.. మెడికల్ షాపులు, ఏజెన్సీలకు సంబంధించి ఎలాంటి సమస్యలున్నా తన దృష్టికి తీసుకువస్తే పరిష్కరిస్తానని హామీ ఇచ్చారు. వ్యాపారులను నిరంతరం అండగా ఉంటానని తెలిపారు. ఈ కార్యక్రమంలో అసోసియేషన్ అధ్యక్షుడు వేణు గోపాల్ శర్మ, ప్రధాన కార్యదర్శి తిరుమల్ రెడ్డి, కోశాధికారి నాగరాజు కార్యవర్గ సభ్యులు పాల్గొన్నారు.