నీతి సూక్తులు చెప్పి ఓ వృద్ధురాలిని నిలువెల్లా ముంచిన యువకులు

దిశ, మక్తల్ : 'ఈ దారిలో దొంగలు తిరుగుతున్నారు పెద్దమ్మ నీ మెడలో ఉన్న బంగారం తీసి ఇవ్వు' అని.. వృద్ధురాలి దగ్గర నుండి బలవంతంగా తీయించి కాగితంలో చుట్టి బస్తాలో వేస్తున్నట్లు నటించి ఎత్తుకెళ్లారు. ఈ ఘటన మక్తల్ పట్టణంలోని సంగంబండ రోడ్డులోని ఓ సూపర్ మార్కెట్ పరిధిలో సోమవారం చోటు చేసుకుంది.

బాధితురాలు అనుగోండ పారిజాతమ్మ చెప్పిన వివరాల ప్రకారం.. సూపర్ మార్కెట్ దగ్గర ఉన్న నాకు గుర్తు తెలియని ముగ్గురు యువకులు మాయమాటలు చెప్పి నమ్మించారు. నాతో మాట కలిపి 'పెద్దమ్మ దొంగలు తిరుగుతున్నారు. నీ మెడలో ఉన్న బంగారు వస్తువులను తీసి బస్తాలో వేసుకో అని చెప్పి ఆమె మెడలో ఉన్న బంగారం గోలుసును తీయించి పెపర్లో ప్యాక్ చెసి బ్యాగులో వేస్తున్నాం' అని చెప్పారు. ఇంటికి వెళ్ళి చూసేసరికి కార్డులో బంగారం లేదు. కంగుతిన్న తను ఈ విషయం తన కుమారుడికి తెలిపింది. ఈ మేరకు తన కుమారుడు పోలీసులకు ఫిర్యాదు చేయడంతో పోలీసులు సీసీ టీవీ ఫుటేజీలను పరిశీలిస్తున్నారు.