భారతదేశంలో క్రిప్టోకు భవిష్యత్తు ఉందా..?

దిశ, వెబ్‌డెస్క్: రానున్న రోజుల్లో బిట్‌కాయిన్ నేతృత్వంలోని క్రిప్టో ప్రపంచాన్ని శాసించే అవకాశం ఉంది. మొబైల్ కనెక్టివిటీ ఎక్కువగా ఉండడం, ఇంటర్నెట్ సదుపాయం పెరగడం వలన, ప్రపంచవ్యాప్తంగా 150 మిలియన్ల పెట్టుబడిదారులు ఇప్పటికే క్రిప్టోకరెన్సీ లో చేరారు. 2022 రెండో త్రైమాసికానికి క్రిప్టో అడాప్షన్ ప్రారంభ దశ నుండి మెజారిటీ దశకు నెమ్మదిగా చేరుకుంటుంది. రాబోయే 4-5 సంవత్సరాలలో క్రిప్టో లో కనీసం ఒక బిలియన్ కొత్త పెట్టుబడిదారులు వచ్చే అవకాశం ఉంది.

ఐఫోన్ రాకముందు - స్మార్ట్‌ఫోన్‌లు తీసుకువచ్చే విప్లవం గురించి మనం ఊహించామా? నేడు, స్మార్ట్‌ఫోన్‌లు కొత్త ఫీచర్లతో వస్తున్నాయి. క్రిప్టో, బ్లాక్‌చెయిన్ టెక్నాలజీ మరింత అభివృద్దితో ముందుకు వెళ్తుంది. బ్లాక్‌చెయిన్ టెక్నాలజీ ప్రతి లావాదేవీల నుండి మధ్యవర్తులను తొలగిస్తుంది. Bitcoin అనేది బ్లాక్‌చెయిన్ టెక్నాలజీ. దీనిని ఇప్పటికే ఉపయోగిస్తున్నారు. కొన్ని దేశాలు క్రిప్టోను చట్టపరమైనదిగా పరిగణిస్తున్నాయి. ప్రస్తుతం, భారతదేశంలో క్రిప్టో ఆస్తులలో పెట్టుబడులు పెరుగుతున్నాయి. అదే సమయంలో ప్రభుత్వం కూడా క్రిప్టో అధికారిక నియంత్రణ కోసం చర్చిస్తోంది. 15 మిలియన్ల కంటే ఎక్కువ మంది భారతీయులు తమ సంపదలో కొంత భాగాన్ని క్రిప్టోలో పెట్టుబడి పెట్టారు.

భారతదేశంలో క్రిప్టోకు భవిష్యత్తు ఉందా..?

IMF వరల్డ్ ఎకనామిక్ ఔట్‌లుక్ ప్రకారం ప్రపంచంలోని 194 దేశాలలో భారతదేశ GDP (నామమాత్రపు) తలసరి అంచనా సంవత్సరానికి $2,190తో, 144వ స్థానంలో ఉంది. 190 మిలియన్ల భారతీయులు ప్రస్తుతం బ్యాంకుకు దూరంగా ఉన్నారు. సాధారణంగా ద్రవ్యోల్బణం కంటే తక్కువగా ఉండే వారి పొదుపుపై ఆదాయం సంపాదించడానికి మార్గాలు లేవు. భారతీయ జనాభాలో, కొంతమంది మాత్రమే స్టాక్‌లు, డెరివేటివ్‌లు, రియాల్టీ వంటి ఆస్తులలో పెట్టుబడులు పెడుతున్నారు. అయితే దీర్ఘకాలంలో వారిని స్వయం సమృద్ధిగా మార్చడానికి గల పెట్టుబడులకు సంబంధించిన సాంకేతికత ప్రతి భారతీయుడికి అందుబాటులో లేదు.

పెరుగుతున్న ఆర్థిక అసమానతలను పరిష్కరించడానికి బ్లాక్‌చెయిన్, క్రిప్టో ఆవిర్భావం భారతదేశానికి ఒక ప్రత్యేకమైన అవకాశాన్ని అందిస్తోంది. బిట్‌కాయిన్, క్రిప్టో బెకన్, సమాన అవకాశాలు, లాభాల ఆలోచనపై నిర్మించబడింది. ఇది జాతీయత, భౌగోళికం, తరగతి లేదా పెట్టుబడి పరిమాణం ద్వారా వ్యక్తులను వేరు చేయకుండా అందరికీ సమాన అవకాశాలు కల్పిస్తుంది. క్రిప్టోను యాక్సెస్ పొందడానికి కనీస పెట్టుబడి కూడా అవసరం లేదు. భారతదేశంలో, వినియోగదారులు రూ.10 నుండి కూడా బిట్‌కాయిన్‌లో పెట్టుబడి పెట్టవచ్చు.

బిజినెస్ పర్సన్స్ తరచుగా అధిక-రిస్క్ ఉండి ఎక్కువ లాభాలు వచ్చే అవకాశాలపై ముందుగానే పెట్టుబడులు పెడతారు. 1990ల ఇంటర్నెట్ బూమ్, 2000ల ప్రారంభంలో టెలికాం బూమ్ లాగా, క్రిప్టో 2020ల వృద్ధి కూడా భవిష్యత్తులో పెరిగే అవకాశం ఉంది. Bitcoin, Ethereum, మొదటి రెండు క్రిప్టోకరెన్సీలు, గత 10 సంవత్సరాలలో బంగారం, వెండి, ముడి చమురు వంటి ప్రసిద్ధ ఆస్తుల విలువలను అధిగమించాయి. ఈ ట్రెండ్ భవిష్యత్తులో కూడా కొనసాగుతుందని పెట్టుబడిదారులు భావిస్తున్నారు.

ఉద్యోగ అవకాశాలు

వికేంద్రీకృత ఫైనాన్స్ (DeFi) చెల్లింపులు, లావాదేవీల కోసం మధ్యవర్తుల తొలగింపుతో సహా అనేక అంశాలలో క్రిప్టో కొత్త ఆవిష్కరణలను తెస్తుంది. భారతీయ కంపెనీలు ప్రపంచవ్యాప్తంగా ఈ ఆవిష్కరణకు నాయకత్వం వహించగలవు. ప్రపంచ స్థాయిలో బ్లాక్‌చెయిన్-సులభతర ఉత్పత్తులకు సపోర్ట్ ఇచ్చే శ్రామికశక్తిని నిర్మిస్తాయి. భారతదేశం రాబోయే దశాబ్దంలో లక్షలాది కొత్త ఉద్యోగాలను సులభంగా సృష్టించగలదు. Blockchain సాంకేతికత, క్రిప్టో రాబోయే కొన్నేళ్లలో భారతదేశంలో మరింత ముందుకు వెళ్తుంది.

పై వివరణ Giottus Crypto Exchange CEO విక్రమ్ సుబ్బురాజ్ పేర్కొన్నారు.