ఆరు స్క్రిప్ట్‌లతో మెగాస్టార్‌ను సర్‌ప్రైజ్ చేసిన దిల్ రాజు..
దిశ, సినిమా: మెగాస్టార్ చిరు, పవర్‌స్టార్ పవన్ కళ్యాణ్‌తో సినిమా తీయాలనేది తన కల అని నిర్మాత దిల్ రాజు ఎప్పటి నుంచో చెబుతున్నాడు. ఎట్టకెలకు పవన్ కళ్యాణ్ ప్రధానపాత్రలో బోనీ కపూర్‌తో కలిసి 'వకీల్ సాబ్‌'ని నిర్మించడంతో కొంత సంతృప్తి పొందిన దిల్ రాజు.. చిరుతో మూవీ చేసేందుకు ఆరాటపడుతున్నాడు. 2024 వరకు బిగ్ ప్రాజెక్ట్స్‌తో టైట్ షెడ్యూల్‌తో ఉన్న చిరు.. ఆ వెంటనే తనతో సినిమా చేయాలని కోరాడట దిల్ రాజు.
ఈ క్రమంలోనే మెగాస్టార్‌ను కలిసి మొత్తం ఆరు కథలను వినిపించినట్లు తెలుస్తోంది. వీటిలో ఒక్కదానికి గ్రీన్ సిగ్నల్ ఇచ్చినా.. తన డ్రీమ్ ఫుల్ ఫిల్ అయినట్లే అని చెప్తున్నాడు. దీంతో మెగా అభిమానులు దిల్ రాజుపై ప్రశంసల వర్షం కురిపిస్తున్నారు. మెగాస్టార్‌కు అంత ప్రిఫరెన్స్ ఇస్తున్నందుకు అభినందిస్తున్నారు.
Advertisement
Next Story
