లారీని వెనుక నుంచి ఢీ కొట్టిన మరో లారీ..

దిశ, కోదాడ : లారీని వెనుక నుంచి మరో లారీ ఢీ కొట్టిన సంఘటన మండల పరిధిలోని ద్వారకుంట గ్రామ శివారులో 65 నెంబర్ జాతీయ రహదారి పై మంగళవారం తెల్లవారుజామున చోటుచేసుకుంది. స్థానికులు తెలిపిన వివరాల ప్రకారం సూర్యాపేట జిల్లా కోదాడ మండల పరిధిలోని ద్వారకుంట గ్రామ శివారులో జాతీయ రహదారి పై హైదరాబాద్ నుండి విజయవాడ వైపు వెళ్తున్న లారీ ముందు ఆగి ఉన్న లారీని వెనుక నుండి ఢీకొట్టింది.

ఈ ప్రమాదంలో లారీలో షార్ట్ సర్క్యూట్ జరిగి లారీ తగలబడింది. ఈ ఘటనలో ఎటువంటి ప్రాణ నష్టం జరగలేదు. కాగా లారీ మంటలతో కాలిపోతుండడంతో రోడ్డు పై వెళ్తున్న వాహనదారులు భయభ్రాంతులకు గురయ్యారు. రహదారి పై కొంత మేర ట్రాఫిక్ జామ్ కావడంతో లారీలను క్రేన్ సహాయంతో అధికారులు తొలగించారు.