తెలుగులోకి ఎంట్రీ ఇచ్చేసిన సల్లూ భాయ్..
దిశ, సినిమా : బాలీవుడ్ సూపర్ స్టార్ సల్మాన్ ఖాన్-మెగాస్టార్ చిరంజీవి కాంబినేషన్‌లో 'గాడ్‌ ఫాదర్' అప్‌డేట్ ఇచ్చారు మేకర్స్. ఆగస్టు నుంచి ఈ సినిమా షూటింగ్ జరుగుతుండగా.. తాజాగా సల్మాన్ కూడా టీమ్‌తో జాయిన్ అయినట్లు తెలిపారు. ఈ క్రమంలో సల్లూ భాయ్‌కు వెల్‌కమ్ చెప్తూ ట్వీట్ చేశాడు మెగాస్టార్. 'గాడ్‌ ఫాదర్ ప్రాజెక్ట్‌కు స్వాగతం.
మీ ఎంట్రీ అందరినీ ఉత్తేజపరిచింది. ఎగ్జయిట్మెంట్ మరో లెవల్‌కు చేరింది. మీతో స్క్రీన్ షేరింగ్ అనేది నిజమైన హ్యాపీనెస్. మీ ప్రజెన్స్ ఆడియన్స్‌కు మంచి కిక్ ఇస్తుంది' అని ఆహ్వానం పలికాడు. 'గాడ్‌ ఫాదర్' మూవీ మోహన్ లాల్ బ్లాక్ బస్టర్ ఫిల్మ్ 'లూసిఫర్'కు రీమేక్ కాగా.. మోహన్ రాజా దర్శకత్వం వహిస్తున్న సినిమాను కొణిదెల ప్రొడక్షన్ కంపెనీ, సూపర్ గుడ్ ఫిల్మ్స్ సంయుక్తంగా నిర్మిస్తున్నాయి. నయనతార హీరోయిన్‌గా నటిస్తున్న సినిమాలో సత్యదేవ్ ప్రధానపాత్రలో కనిపించబోతున్నాడు.
