'పుష్ప ది రూల్‌' నుండి రేపు బిగ్ అప్డేట్

దిశ, వెబ్ డెస్క్ : నేష‌న‌ల్ అవార్డు విన్నర్, టాలీవుడ్ ఐకాన్ స్టార్ అల్లు అర్జున్(Allu Arjun) ప్రధాన పాత్రలో న‌టిస్తున్న చిత్రం ‘పుష్ప ది రూల్‌’. పుష్ప సినిమాకు సీక్వెల్‌గా వ‌స్తున్న ఈ చిత్రం డిసెంబ‌ర్ 5న ప్రేక్షకుల ముందుకు రానున్న విష‌యం తెలిసిందే. విడుద‌ల తేదీ ద‌గ్గర‌ప‌డ‌టంతో చిత్రబృందం బుధవారం భారీ ప్రెస్ మీట్‌ను ఏర్పాటు చేస్తున్నారు. రేపు మధ్యాహ్నం ఈ ప్రెస్ మీట్ జ‌రుగ‌నుండ‌గా.. ఇందులో నిర్మాతలతో పాటు డిస్ట్రిబ్యూటర్స్ హాజ‌రుకాబోతున్నట్లు తెలుస్తుంది. అయితే ఈ ప్రెస్ మీట్ ఎందుకు పెడుతున్నారు అనేది క్లారిటీ లేకపోయినా.. ఈ మూవీ విడుద‌ల తేదీని అధికారికంగా ప్రక‌టించడానికి ఈ మీట్ జరగనుందని ఇండస్ట్రీ వర్గాల సమాచారం. రేపు మధ్యాహ్నం 12 గంటలకు జరగబోయే ఈ మీట్ దేనిగురించి అనేది తెలియాలి అంటే అప్పటిదాకా ఎదురు చూడక తప్పదు మరి.