ఓటీటీలోకి అదా శర్మ ‘CD’..

దిశ, సినిమా: ‘ది కేరళ స్టోరీ’, ‘బస్తర్: ది నక్సల్ స్టోరీ’ వంటి బ్లాక్ బస్టర్ (blockbuster) హిట్స్ తర్వాత ప్రజెంట్ అదా శర్మ పేరు ఇండస్ట్రీమలో మారుమోగుతోంది. ఈ క్రమంలోనే ప్రజెంట్ వరుస సినిమాలు చేస్తూ దూసుకుపోతుంది. అదా శర్మ (Adah Sharma) ప్రధాన పాత్రలో వచ్చిన చిత్రం ‘CD’ (క్రిమినల్ ఆర్ డెవిల్). సైకాలజికల్ సస్పెన్స్ థ్రిల్లర్‌గా తెరకెక్కిన ఈ సినిమాకు కృష్ణ అన్నం (krishna annam) దర్శకత్వం వహించగా.. గిరిధర్ (Giridhar) నిర్మించాడు. వేసవి కానుకగా ప్రేక్షకుల ముందుకు వచ్చిన ‘CD’ బాక్సాఫీస్ వద్ద మిక్సిడ్ టాక్ సొంతం చేసుకుంది. ఇదిలా ఉంటే.. ఇప్పుడు ఈ మూవీ డిజిటల్ స్ట్రీమింగ్ (Digital Streaming) కు సిద్ధం అయినట్లు తెలుస్తోంది. ‘CD’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ (OTT) ఆహా సొంతం చేసుకోగా.. అక్టోబర్ 26 నుంచి స్ట్రీమింగ్ అందుబాటులోకి వస్తున్నట్లు అఫీషియల్ అనౌన్స్‌మెంట్ ఇచ్చింది.