బీజేపీ అసెంబ్లీ ఫుల్ టైమర్లకు బైకులు

దిశ, తెలంగాణ బ్యూరో: అసెంబ్లీ ఫుల్ టైమర్లకు ద్విచక్ర వాహనాలు ఇవ్వాలని బీజేపీ రాష్ట్ర నాయకత్వం నిర్ణయం తీసుకుంది. ఇప్పటికే పార్లమెంట్ సెగ్మెంట్ల వారీగా 17 పార్లమెంట్ల ఫుల్ టైమర్లకు బైకులను బీజేపీ అందజేసింది. కాగా, తాజాగా అసెంబ్లీ వారీగా ఫుల్ టైమర్లకు బైకులు అందించేందుకు సిద్ధమవుతోంది. ఫుల్ టైమర్లకు ఇచ్చేందుకు ప్రస్తుతం 85 బైకులు సిద్ధంగా ఉన్నాయి. కాగా, మిగిలిన 34 బైకులు రావాల్సి ఉంది. అన్ని వాహనాలు వచ్చాక వాటి రిజిస్ట్రేషన్ ప్రక్రియ పూర్తయ్యాక ఫుల్ టైమర్లకు ద్విచక్ర వాహనాలను పంపిణీ చేయనున్నారు.