బర్రెలక్క పిటిషన్‌పై ఇవాళే విచారణ.. నిర్ణయంపై ఉత్కంఠ
దిశ, వెబ్‌డెస్క్: కొల్లాపూర్ నియోజకవర్గ స్వతంత్ర అభ్యర్థి బర్రెలక్క(శిరీష) రాష్ట్ర ప్రజల దృష్టిని ఆకర్షిస్తున్నారు. వినూత్నంగా ప్రచారం నిర్వహిస్తూ దూసుకెళ్తున్నారు. ఈ క్రమంలో అనూహ్యంగా కొందరు ఇటీవల తనపై, తన తమ్ముడిపై దాడికి పాల్పడిన విషయం తెలిసిందే. దీంతో తనకు భద్రత కల్పించాలంటూ పోలీసులను ఆశ్రయించారు. అయితే, పోలీసులు తన విజ్ఞప్తిని పట్టించుకోకపోవడంతో ఆమె హైకోర్టులో పిటిషన్ దాఖలు చేశారు. ఈ పిటిషన్‌ను హైకోర్టు విచారణకు స్వీకరించింది. శుక్రవారం దీనిపై విచారణ జరిపి నిర్ణయం వెలువరించే అవకాశం ఉందని కోర్టు వర్గాల సమాచారం. బర్రెలక్కకు అంతర్జాతీయ న్యాయవాదుల సంఘం నాయకులు కావేట శ్రీనివాసరావు, కరణం రాజేశ్, ఆదిత్య దొడ్డల మద్దతు ప్రకటించారు. బర్రెలక్కపై, ఆమె సోదరుడిపై దాడి చేసిన వారిపై వెంటనే చర్యలు తీసుకోవాలని డిమాండ్ చేశారు. బెదిరింపుల నేపథ్యంలో ఆమెకు 2 ప్లస్ 2 గన్ మెన్లతో సెక్యూరిటీ కల్పించాలని డిమాండ్ చేశారు.
