Yashwant Sinha: బేగంపేట ఎయిర్ పోర్టు‌కు యశ్వంత్ సిన్హా.. స్వాగతం పలకనున్న కేసీఆర్

దిశ, వెబ్‌డెస్క్ : Yashwant Sinha Arrives Begumpet Airport| విపక్షాల రాష్ట్రపతి అభ్యర్థి యశ్వంత్ సిన్హా బేగంపేట ఎయిర్‌పోర్టుకు చేరుకున్నారు. ఆయనకు తెలంగాణ ముఖ్యమంత్రి కేసీఆర్ స్వయంగా స్వాగతం పలకనున్నారు. అనంతరం బేగంపేట ఎయిర్ పోర్టునుంచి నేరుగా భారీ ర్యాలీతో కేసీఆర్, యశ్వంత్ సిన్హా జలవిహార్‌కు రానున్నారు. దీంతో బేగంపేట నుంచి ఐదు వేల మంది పార్టీ కార్యకర్తలు బైక్ ర్యాలీ నిర్వహించనున్నారు. ఇక జల విహార్‌లో పార్టీ ప్రతినిధులతో టీఆర్ఎస్ ప్రభుత్వం భారీ సభ నిర్వహించనుంది. అక్కడ విపక్షాల రాష్ట్రపతి అభ్యర్థిగా యశ్వంత్ సిన్హ తెలంగాణలో ప్రచారం చేయనున్నారు. అనంతరం రాష్ట్రపతి ఎన్నికకు ఓటర్లు అయిన టీఆర్ఎస్ ఎంపీలు, ఎమ్మెల్యేలతో సమావేశం కానున్నారు.